Быел Алабугада Березовский фестивале һәм Спас ярминкәсе узачакмы-юкмы икәнлеге билгеле булды

Санитар-эпидемиологик вәзгыять катлаулы булу сәбәпле, Алабуга муниципаль районы хакимияте массакүләм чараларны — Борис Березовскийның «Алабугада җәйге кичләр» халыкара фестивален һәм Бөтенроссия Спас ярминкәсен гамәлдән чыгару турында карар кабул итте.
Исегезгә төшерәбез, элек районда, бөтен республикада кебек үк, Сабантуй, шулай ук авыл җирлекләрендә конкурслар, шул исәптән терлекчеләр конкурсы гамәлдән чыгарылган иде. 
Татарстанда 2020 елгы Сабантуй онлайн режимда узачак.