Алабуга нуры

Быел яз көне Алабуга урамнарында ике мең яшь нарат үсентесе утыртылачак

Агач утыртуда "Татнефть" АҖ предприятиесе ярдәм итә. Яшь нарат Бакый Урманче һәм Нечаев урамнарында, Әйләнеч шосседа утыртылачак.

Узган атнада анда яңа агачлар утырту башланды. Район башлыгы Рөстәм Нуриев эшләрнең барышын шәхсән үзе тикшерде.

– Шәһәр тулысынча үзгәрәчәк. Бакый Урманче урамында яңа тротуар барлыкка киләчәк, һәм аның буенда без араларында 5,5 метр урын калдырып наратлар утыртырга планлаштырабыз. Агачлар ике рәт итеп утыртылачак. Моннан тыш, магистраль юлларны да тәртипкә китерергә телибез. Алабугада шәһәрлеләр үзләре утырткан посадкалар да күп. Алабугалыларның күбесе шәһәрне төзекләндерүгә үз өлешен кертергә әзер, һәм бу бик яхшы.

Рөстәм Нуриев билгеләп үткәнчә, әлеге үзлектән булдырылган утыртмалар билгеле бер архитектура формасына туры китереләчәк. Шәһәр микрорайоннары арасында мондый кечкенә агачлыклар матур күренә, гәрчә кайбер үзгәртүләргә мохтаҗ булсалар да, дип өстәде Рөстәм Нуриев.

Аның сүзләренә караганда, яңа агачлар утырту эше иске, авария хәлендәге агачларны кисүне компенсацияли, бу Алабуга шәһәрен төзекләндерү буенча масштаблы эшләр кысаларында элегрәк башкарылган иде.

Барлыгы исә быел шәһәр урамнарында 3,5 меңгә якын яңа агач утыртылачак. Яшь нарат аллеясы, асылда, бу масштаблы эшнең башы.

– Наратларны механик рәвештә утырту бара, агачларның өске тамырлары саклап калына. Аскы ботакларны без беренче ике-өч елда кисеп торачакбыз, бу агачлар җиңелрәк үсеп китсен өчен эшләнелә.

Моннан тыш, метеорологлар фаразларына караганда, быел җәй эссе булырга тиеш. Ә бу исә агачларга су сибүгә дә аерым игътибар бирергә кирәк булачак дигән сүз.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: