Алабуга нуры

«Демография» илкүләм проекты буенча 323 меңнән артык кеше диспанзериция үтәчәк

Быел 82 500 хезмәткә сәләтле яшьтән өлкәнрәк граждан медицина тикшерүе узды.

Ел ахырына кадәр 323 580 татарстанлыга тикшерү үткәрү планлаштырыла. Әлеге эш «Демография» илкүләм проекты буенча алып барыла.

2020 елда Казанда «Өлкән буын» төбәк проектын гамәлгә ашыру кысаларында «Сугыш ветераннары өчен госпиталь» дәүләт автоном сәламәтлек саклау учреждениесе гериатрия үзәге ачылды. Республика буенча 170 гериатрик урын булдырылды. Аларда 1988 пациент дәваланды.

«Балалары туган гаиләләргә финанс ярдәм» төбәк проектын гамәлгә ашыру кысаларында 36 099 бала сөт продукциясе белән бушлай тәэмин ителде. Шулай ук 147 млн. сумга экстракорпораль орлыкландыруның 1328 процедурасы үтәлде

Россиядә илкүләм проектлар РФ Президенты тәкъдиме белән 2019 елдан башлап тормышка ашырыла.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: