Алабуга нуры

Diamond Princess лайнерыннан хастаханәгә китерелгән барлык пациентларның да хәле яхшы

Медицина күзәтүе үткәрү өчен китерелгән барлык пациентлар өчен дә Республика йогышлы авырулар хастаханәсендә уңайлы шартлар тудырылган.

Профессор А.Ф.Агафонов исемендәге Республика йогышлы авырулар хастаханәсенең баш табибы Марат Гатауллин cүзләренчә, Diamond Princess лайнерыннан Татарстанның Республика йогышлы авырулар хастаханәсенә китерелгән барлык пациентларның да хәле яхшы. шулай дип белдерде. Бу турыда “Татар-информ” мәгълүмат агентлыгы хәбәр итә.

Шулай ук аның әйтүенчә, хастаханәгә китерелгән сигез кешенең дә температуралары нормада. Аларга көн саен лаборатор контроль үткәрелә, пациентларның хәле яхшы. Алар өчен хастаханәдә барлык уңайлы шартлар да тудырылган.

Республика йогышлы авырулар хастаханәсенең баш табибы сүзләренчә, пациентлар белән эшләүче барлык медицина хезмәткәрләренең дә сәламәтлеге контрольдә. Табибларның кирәкле барлык шәхси саклану чаралары да бар, аларның бөтенесе дә медицина күзәтүе астында.

 

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: