Алабуга нуры

Эксперт Россия Конституциясендәге төзәтмәләргә аңлатма бирде: «Табигать дөньясы саклауга мохтаҗ»

Аның фикеренчә, Төп законга кертелгән төзәтмәләр илебезнең табигый байлыкларын яхшырак сакларга мөмкинлек бирәчәк.

Россия Федерациясе Конституциясенә әйләнә-тирә мохитне саклау турындагы төзәтмә кешенең табигатькә йогынтысын киметергә ярдәм итәчәк. Әлеге фикерне Юрий Переведенцев әйткән. Ул Казан федераль университетының Экология һәм табигатьтән файдалану институтының метеорология, климатология һәм атмосфера экологиясе кафедрасы мөдире вазифасын башкара.
"Табигатьне сакларга кирәк, чөнки ул уникаль, әмма ул төрле йогынтыларга дучар. Ә без хәзер нәрсә күрәбез? Кешенең табигый мохиткә көчле йогынты ясавы, шуның аркасында океаннар составы бозыла, чөнки парник газлары бик зур күләмдә чыгарыла, — дип билгеләп үткән эксперт.
РФ Конституциясенең 114нче маддәсенә төзәтмә нигезендә, Хөкүмәт гражданнар тормышы өчен уңай шартлар тудыру һәм әйләнә-тирә мохиткә хуҗалык һәм теләсә нинди башка эшчәнлекнең тискәре йогынтысын киметү буенча чараларны тормышка ашырырга мөмкинлек бирәчәк.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: