Алабуга нуры

Галимова татарстанлыларга даруларны алдан алып куймаска киңәш итте

Һәр авыру өчен шәхси дәвалау схемасы бар.

ТР Президентының матбугат хезмәте җитәкчесе Лилия Галимова татарстанлыларга даруларны алдан күпләп алып куймаска киңәш итте. 
Галимова сүзләренчә, республика даруханәләрендә препаратларны алдан алып кую буенча ажиотаж күзәтелә.


«Даруларны күпләп сатып алу, кайбер препаратларның аптекалардан юкка чыгуына китерә», — дип билгеләп үтте Галимова. 


Рөстәм Миңнеханов әлеге мәсьәләне хәл итәргә дигән күрсәтмә бирде. 
Бүген ТР Оперштабы Татарстан даруханәләре җитәкчеләре белән очраша. Киңәшмәдә кайбер даруларга булган кытлыкны булдырмау мәсьәләсен хәл итәчәкләр. 
Татарстанлыларга медиклар биргән күрсәтмәләрне җитди үтәргә кирәк. Даруларны алдан күпләп алып куймаска, белгеч киңәшеннән башка профилактика өчен препаратларны кулланмаска. 
Исегезгә төшерәбез, һәр авыру кешегә дәвалауның шәхси схемасы билгеләнә.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: