Җиңү бәйрәме премиясе

Президент Владимир Путин «Бөек Ватан сугышында җиңүнең 67 еллыгына кайбер категория гражданнарга бер тапкыр бирелә торган түләүләр турында»гы указны бер ай элек имзалады. Бу аның дәүләт башлыгы буларак гамәлгә куелган беренче указы.

Алабуга районында 552 кешенең 5 мең сумлык «Җиңү премиясе»нә хокукы бар. Тыл хезмәтчәннәре, сугыш елларында фидакарь хезмәте өчен СССР ордены һәм медальләре белән бүләкләнгән алабугалылар, нацист төрмәләре һәм концлагерьларының элекке тоткыннары (барлыгы 1229 кеше) 1000 сум күләмендә бер тапкыр бирелә торган премия алачак.