Алабуга нуры

Игьтибар! Гадәти булмаган бәйге!

Хөрмәтле, укучым! Бүгенгесе көндә, язучы буларак, авыл кешеләре турында зур әсәргә материаллар җыю белән мәшгульмен. Мин инде күп авылларда булдым һәм һәрберсендә диярлек кызыклы, гыйбрәтле хәлләр ишеттем.

Һәм авыллардагы кызыклы кешеләр, вакыйгалар, гыйбрәтле тарихлар, мәхәббәт маҗаралары хакында, дистәләрчә еллар буена авыл телендә сөйләнелеп килгән язмышлар, теге яки бу кешенең гамәл-кыланмышлары турында мәгьлүматлар җыюымны дәвам итәм. Татар халкы үзенең көчле рухлы, юмор сәләтенә бай булуы белән куәтле дә инде.

Укучым, син яшәгән яки син яхшы белгән авылда да андый гыйбрәтле язмышлар булгандыр, кызыклы, көлеп тә, елап та сөйләрлек хәлләр майтарган кешеләр яшәгәндер яисә бардыр. Мин шундый мәгьлүмат-вакыйгаларга конкурс игьлан итәргә булдым. Конкурс булгач, иң яхшы хат җибәрүчеләр өчен, әлбәттә, аның 5 000 сум күләмендә 3 бүләк-призы да була инде.

Ошбу конкурс бу елның 1 нче ноябренә чаклы дәвам итә. Сездән электрон хатлар көтеп калам.

Бәлки, ата-бабаларыгыз көндәлек алып баргандыр? Гадәттә, сугыштан соңгы елларда һәм аннан да соңрак бригадирларның андый көндәлекләре булган.

Ихтирам белән

язучы Зиннур Хөснияр.

Эл.адреслар: zinnur61@yandex.ru һәм zinnur61@bk.ru

Нравится
Поделиться:
Реклама
Комментарии (0)
Осталось символов: