Алабуга нуры

Илдар өчен “Игезәкләр” тандемы җырлаячак

16 декабрьдә шәһәр мәдәният сараенда "Игезәкләр" тандемы концерты булачак.

Чарадан жыелган акчалар Илдар Галәветдинов счетына күчереләчәк. Исегезгә төшерәбез, 14 яшьлек алабугалы авыр форма эпилепсиядән интегә. Илдарны Германиядә дәвалый алалар, хәзер Галәветдиновлар гаиләсе Фогтаройт (Бавария) шәһәре клиникасыннан җавап көтә. Тикшеренү, ә аннары дәвалануга байтак акча таләп ителә. Игелекле җаннар көче белән 400 мең сумга якын акча җыелды, тик шулай да бу акчалар беренче вакытка гына җитәчәк.

Илдарга булышыр өчен Алабугада концерт оештыру инициативасы белән Олег Мельников чыкты. Беренче булып "Игезәкләр" ярдәм итү теләге белдерде. Бу ике яшь егет үзләренең музыкаларын "DREAM Acoustic" стилендә иҗат итә. Алар аны концертларда чын күңелдән башкара. "Игезәкләр"нең җырларын күпләр ярата, чөнки алар тирән мәгънәгә ия, ә инде музыкалары беркемне дә битараф калдырмый!

Исегезгә төшерәбез: бу тандем Алабугада "Илһам" фестивале кысаларында чыгыш ясады һәм Спас ярминкәсе кунаклары тарафыннан җылы кабул ителде. "Игезәкләр" концертыннан сез профессиональ музыкадан ләззәт алып кына калмыйча, Илдарга да ярдәм итә алачаксыз.

Нравится
Поделиться:
Реклама
Комментарии (0)
  • 23 октябрь 2017 - 14:24
    Защити себя!
  • 29 март 2018 - 11:59
    Кар суына юл ачкан – ташудан качкан
    Чын яз апрель башында көтелә, анда инде сулар агачак. Су басуга кагылышлы фаразларны “эшлекле сишәмбе”дә ТР Гадәттән тыш хәлләр идарәсенең Алабуга районы буенча башлыгы Николай Доронин хәбәр итте.
    97
    0
    0
Ночной режим