Алабуга нуры

“Каравон” рус фольклоры фестивале онлайн режимда узачак

Тамашачылар социаль челтәрләрдә әйлән-бәйлән, концерт, түгәрәк өстәлләр белән хозурлана алачак.

Татарстанда 1993 елдан бирле ел саен үткәрелә торган “Каравон” рус фольклорының популяр фестивале быел беренче тапкыр онлайн-форматта узачак. Мастер-класслар, әйлән-бәйлән, концертлар, түгәрәк өстәлләр Facebook, Instagram, “ВКонтакте” кебек социаль челтәрләр уздырылачак.

Бәйрәм чаралары Никольскида 18 майда башланачак һәм 23 майга кадәр дәвам итәчәк. Моңарчы халык фольклоры бәйрәмендә булу мөмкинлеге булмаган кешеләр гадәти булмаган форматта булса да күңел ачу атмосферасына чума алачаклар.

Фестивальнең хедлайнерлары итеп танылган башкаручылар – “Ворожея” төркеме, “Пелагея” проекты резиденты “Репа& Поверье” фолк-төркеме һәм башкалар билгеләнде. 23 майда “Каравон” XXVIII фольклор бәйрәме аудиториясенә котлау сүзләре белән Татарстан Республикасы Президенты Рөстәм Миңнеханов мөрәҗәгать итәр дип көтелә.

“Каравон” – Татарстанда 1993 елдан бирле ел саен үткәрелә торган рус фольклоры фестивале, ә 2003 елдан ТР Президенты Рөстәм Миңнеханов указы буенча дәүләт бәйрәме булып санала. Фестивальне үткәрү урыны һәр елны бер үк – Лаеш районының Рус Никольское авылы.

Май аенда Казаннан 35 километр ераклыкта зур булмаган авылга бөтен республикадан һәм күрше төбәкләрдән фольклорны яратучылар җыела. Анда ел саен 20 меңнән артык кунак, ә 2 меңнән артык кеше катнаша.

Фестивальнең исеме иске славяннардан “әйлән-бәйлән” дип тәрҗемә ителә.

Онлайн-чаралар афишасын тулырак “События”да укыгыз.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: