Алабуга нуры

Кайда, нинди бәягә, нәрсә сатып алырга?

Шәһәрдә быелгы авыл хуҗалыгы ярминкәләренең беренчесе оештырылды.

Сәүдә "Мираж" үзәге янында һәм Иске базар мәйданында үтте, алабугалылар авыл хуҗалыгы һәм азык-төлек товарларын арзан бәягә сатып алды.

− Бәяләр чагыштырмача түбән, ТР авыл хуҗалыгы министрлыгы тәкъдименә нигезләнеп билгеләнде, − ди Малореченскидан килгән фермерлар.

Алар икәүләп 70 баш тмөгезле эре терлек, 150 баш төрле кош-корт карый. Биш йөз гектар җирләре бар. Анда бөртеклеләр һәм яшелчә үстерәләр. Күптән түгел откан грант чараларына ферма төзергә ниятлиләр.

Ярминкәгә китерелгән бар нәрсә җитди тикшерү уза.

− Бүген сатыла торган барлык итне ветеринар тикшерде. Белешмә һәм документларыбыз бар, моны раслап, һәр ит кисәгендә келәймә тора, − ди Армалыдан Зөхрә һәм Айрат Шәфыйковлар.

Ит кенә түгел, башка азык та куркынычсызлыкка тикшерү үтә.

− Умарталыгым зур, документларым бар. Бал кортларын даими тикшерәләр, анализ алалар, шуңа күрә балның куркынычсызлыгы һәм файдасы ягыннан шикләнергә кирәкми, − ди алабугалы умартачы Замир Омаров.

Элекке еллардагы кебек үк, халык ярминкәгә йөри. Мәсәлән, Наталья һәм Дмитрий Рыбаковлар балны һәр ел бер үк кешедән сатып ала.

− Бәя сыйфатына туры килә. Бал белән чәй эчеп, сәламәтләнәчәкбез, − диләр.

Бәрәңге, кишер, суганны капчыклап алалар.

− Килосы 15 сумнан дүрт капчык бәрәңге сатып алдык - бик уңышлы булды. Безнең гаиләгә кыш буена җитәр дип уйлыйм, − ди Мәдинә Гайнуллина.

Ярминкәләр һәр шимбәдә иртәнге сәгать тугыздан кичке дүрткә кадәр ел ахырына хәтле дәвам итәчәк.

Бал - 1200 сумнан;

Бәрәңге, кишер, суган - килограммы15 сумнан;

Чөгендер - 10 сумнан

Дуңгыз ите - 220 сумнан;

10 данә йомырка - 60 сум;

3 литр сөт - 140 сум;

Бозау ите - 270 сум;

Бодай һәм арпа - килограммы 6 сумнан.

Нравится
Поделиться:
Реклама
Комментарии (0)
  • 23 октября 2017 в 14:24
    Защити себя!
  • 12 января 2018 в 08:15
    2018 елда ничек яшәрбез
    Өметләр тулы яңа ел яңалыкларга да бай. Шул исәптән хокук өлкәсендә дә. Салым һәм пенсиягә кагылышлы законнар, ЮХИДИ норматив актлары үзгәреш кичерде, Хезмәт Кодексының, табигатьне саклау документларының кайбер маддәләре яңадан каралды.
    34
    0
    0