Алабуга нуры

Кеше кайчан бәхетле була? Бүген – Халыкара бәхет көне

Бу көн Берләшкән Милләтләр берләшмәсе тарафыннан бәхеткә омтылуның дөньяның төрле почмакларындагы кешеләрне берләштерүче уртак хис булуы идеясен яклау максатыннан билгеләнә.

Көн белән төн тигезләшкән көн буларак, 20 март көне юкка гына сайлап алынмаган, чөнки бу көнне кояш вакыт аралагы буенча һәркемгә дә бертигез яктырта.

Бәхеткә омтылыш кешелекнең төп максатының нигезен тәшкил итә. Кайбер психологлар фикеренчә дә, кешенең бәхете күп очракта аның үз алдына нинди максатлар куюына бәйле. Хәер, бәхет төшенчәсе күпкырлы төшенчә. Аны кем ничек аңлый һәм үзен кайчан бәхетле итеп тоя бит.

Фәнилә Ибраһимованың шигыре бәхет төшенчәсен бик яхшы итеп ачып бирә.

Кеше кайчан бик бәхетле була?

Җаны,тәне сихәт булганда,

Якыннары аңлап яшәгәндә,

Күнелендә җыр-моң булганда.

Кеше кайчан бик бәхетле була?

Гаиләсе янда булганда,

Балалары исән-имин булып,

Борчуларсыз оя корганда.

Кеше кайчан бик бәхетле була?

Җаны тарткан эше булганда,

Һәркөн иртән хәерле көн теләп,

Хезмәттәшләр көтеп торганда .

Кеше кайчан бик бәхетле була?

Матурлыкны күрә белгәндә,

Җирдә яшәү - олы бәхет, диеп

Сөю, сөелүен сизгәндә.

ЧЫГАНАК: http://zainsk-rt.ru/news/yaңalyiklar/keshe-kaychan-bkhetle-bula-bgen-khalykara-bkhet-kne

Нравится
Поделиться:
Реклама
Комментарии (0)
Осталось символов: