Алабуга нуры

Киләсе атнада Татарстанда һава температурасы төшәчәк

Якын көннәрдә Татарстанда яңгырлы һәм яшенле яңгырлы, тотрыксыз һава торышы саклана.

Бу атнада температура +25..+26 градус тирәсендә сакланса, киләсе атнада аларның бераз түбәнәюе көтелә, дип хәбәр итә Татарстанның Гидрометеорология һәм әйләнә-тирә мохитне күзәтү идарәсе.

Иртәгә, 24 июньдә, алмашынучан болытлы һава булачак, яшен һәм көчле җил фаразлана.

Аннары, шимбә һәм якшәмбе көннәрендә, республика территориясе төньяк циклон перифериясендә кала. Яңгырлар ихтималы кими: явым-төшем 25 июньдә Татарстанның көнчыгышында гына көтелә. Төннәрен термометр баганалары +10..+15 градус, көндезләрен +20..+26 градус күрсәтәчәк.

Киләсе атна башында республикада яңгырлар һәм яшеннәр көтелә. Әмма төньяк һава агымнары йогынтысында һава температурасы 27 июньдә көндез +19..+24 градустан югары күтәрелмәс. Ә 28 июньдә +17..+22 градус җылылык көтелә, дип яза Татар-информ.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: