Алабуга нуры

Кисәтү билгеләрен санга сукмыйлар

2017 елның алты аенда юлларны төзекләндерү һәм торгызу эшләре барган урыннарда 13 юл-транспорт вакыйгасы килеп чыккан. Аларда 6 кешенең гомере өзелгән, 19 кеше төрле җәрәхәтләр алган.

Татарстан Республикасы буенча ЭЭМ Дәүләт автоинспекциясе юлны төзекләндерү эшләре барган урыннарда куркынычсызлык торышы өчен борчылу белдерә. Искәртү өчен куелган юл билгеләрен "күрмәү", вакытлыча гамәлдә булган башка чаралар таләбен үтәмәү еш кына һәлакәткә китерә. Июнь аенда, мәсәлән, Чистай районында "Казан - Оренбург" юлының 149нчы километрында, ВАЗ-2107 автомобиленең 23 яшьлек хуҗасы юл эшләре барган якка чыга һәм эш белән мәшгуль техникага - "КамАЗ" автомобиленә бәрелә. Нәтиҗәдә, машинаның 25 яшьлек пассажиры алган яраларыннан һәлак булган. Автомобиль йөртүче үзе һәм тагын ике пассажир район үзәк хастаханәсенә озатылган.

ТР буенча ЭЭМ Дәүләт автоинспекциясе төзекләндерелә торган юлларда күзәтчелек эшчәнлеген ныгыту турында хәбәр итә. ЮХИДИ хезмәткәрләре юл кагыйдәләрен төгәл һәм даими үтәүнең үтә әһәмиятле булуын, барыбызның да иминлеге игътибарлы булудан торганын искә төшерә. Машина ияләре юлларда куркыныч тудырмаслык тизлек белән хәрәкәт итсен иде. Каршы хәрәкәт ягына борылышларда аеруча сак булырга кирәк.

Нравится
Поделиться:
Реклама
Комментарии (0)
  • 23 октября 2017 в 14:24
    Защити себя!
  • 12 января 2018 в 08:15
    2018 елда ничек яшәрбез
    Өметләр тулы яңа ел яңалыкларга да бай. Шул исәптән хокук өлкәсендә дә. Салым һәм пенсиягә кагылышлы законнар, ЮХИДИ норматив актлары үзгәреш кичерде, Хезмәт Кодексының, табигатьне саклау документларының кайбер маддәләре яңадан каралды.
    43
    0
    0
  • 22 января 2018 в 09:03
    2018 елда Татарстанда 681,4 миллион сумга 11 ресурс үзәге ремонтланачак Эш бирүчеләргә кирәкле кадрлар әзерләү өчен ресурс үзәкләрен капиталь ремонтлау программасына 2014-2017 елларда 2,7 миллиард сум акча тотылган.
    5
    0
    0
  • 22 января 2018 в 16:42
    Барысына да өлгерә Әле күпләр белмидер – Алабуга районы почта хезмәтенең Илмәт бүлекчәсендә халыкка газета-журналлар, хат тарату, пенсия өләшү һәм төрле коммуналь хезмәтләр өчен түләүләрне алуда менә биш елдан бирле авылның уңган-булган кыз-хатыны Раушания Габделбәр кызы Әминова хезмәт күрсәтә.
    2
    0
    0