Алабуга нуры

Коронавирус аркасында Күп функцияле үзәкләр эш шартларын вакытлыча үзгәртә

Киләсе атнада Күп функцияле үзәкләр яңа документлар кабул итүне туктатачак.

30 марттан 3 апрельгә кадәр Татарстанда күп функцияле үзәк офислары әзер документларны бирү өчен генә эшләячәк, яңа документлар кабул итүне туктатачак дип “Татар-информ” мәгълүмат агентлыгы хәбәр итә. Бу вирустан саклауны тәэмин итү кирәклеге белән бәйле.

Россия Президенты Владимир Путинның “Россиядә эшләми торган көннәрне игълан итү турында”гы указы нигезендә, яңа Сovid-19 тибындагы коронавирус таралу куркынычын булдырмас өчен, республика Хөкүмәте тиешле карар кабул итте.

Татарстан Республикасында Күп функцияле үзәк колл-үзәге гадәти режимда эшләячәк, аның хезмәткәрләре гражданнарга 8 (843) 222-06-20 телефоны буенча консультация бирәчәк.

Карантин чаралар эшли башлаганчы Күп функцияле үзәкнең шәһәр бүлекләрендә көненә меңгә якын кеше булган, ә хәзер килүчеләр саны 20 проценка арткан.

Кирәкле хезмәтләрне дәүләт хезмәтләре порталы аша электрон рәвештә бирергә мөмкин. Шул вакытта Күп функцияле үзәккә мөрәҗәгать итү зарурлыгы булмаячак.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: