Алабуга нуры

КУРЧАКЛАР БҮЛӘК ИТКӘН

Алабуга музей-ядкарьлеге фонды гадәттән тыш курчаклар тупланмасы белән тулыланды.

Моңа кадәр алар  алабугылы Рөстәм Шиһапов коллекциясендә булган. Аның сүзләренә караганда, сувенир уенчык һәм курчакларны ул 40 елдан артык җыйган, ялга яисә эш белән барган җиреннән, ул аларны төрле илләрдән алып кайткан. Меңгә якын үзенчәлекле  экспонат – милли киемнәрдәге кеше сыннары, хайваннар һәм үсемлекләр, мифологик җан ияләре сыннары, төрле материаллардан ясалган бина һәм транспорт модельләре, көнкүреш предметлары.

Үткән елда Алабуга музеенда “Дөнья курчаклары” күргәзмәсен караганнан соң, ул әлеге җыелмасын бирегә тапшырырга карар кылган.

Нравится
Поделиться:
Реклама
Комментарии (0)
Осталось символов: