Алабуга нуры

Куркынычсызлык кагыйдәләрен бел

Гадәттән тыш хәлләр министрлыгы - имин балачак өчен акциясе кысаларында "Космос" лагеренда ял итүчеләргә ут сүндерүчеләр "Бөек һәм коточкыч" дип аталган театрлаштырылган тамаша оештырдылар.

Артистлар ролендә Алабуга мәдәният һәм сәнгать көллияте студентлары чыгыш ясады. Алар, ут-күз чыга калса, үзеңне ничек тотарга кирәклеге турында сөйләде һәм күрсәтте.

Акция июнь ае дәвамында узачак. Мондый очрашулар мәктәп яны лагерьларында да планлаштырылган.

Быел инде янгын чыгуның 36 очрагы теркәлде. Аның берсе балалар шуклыгы аркасында килеп чыкты. Олы Качка авылында элеккеге клуб бинасы янып бетте. Ут төртү очракларының саны арту да сагайта. Ут төртүчегә 5 елга кадәр төрмә яный, диләр янгын сагында торучылар.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: