Алабуга нуры

Морт авылы укучылары яңа клубта беренче спектакль куйды

Күптән түгел Морт авылында ачылган яңа клубның өр-яңа сәхнәсендә мәктәп укучылары спектакль куйды. Тамашага әти-әниләр, укытучылар, авыл халкы чакырылган иде.

Спектакль Туфан Миңнуллинның "Авыл эте Акбай" әсәре буенча куелды. Туп-тулы тамаша залы балаларның һәр чыгышын алкышлар белән каршы алды, сәхнәдә чыгыш ясаучы кечкенә артистларга көч һәм дәрт биреп торды.

Илназ Гаффанов, Айсылу Исрафилова, Инсаф Миңнәхмәтов, Фирүзә Гобәйдуллина, Зөһрә Әхтәмова, Гөлназ Фазлиева, Азалия Гайнанова, Зилия Нуриәхмәтова, Миша Голушко һәм Илшат Шәрифуллин үзләренә бирелгән рольләрне бик оста башкарды. Монда балаларның остазы - Ләйлә Фәхретдинованың өлеше бик зур. Драма түгәрәге җитәкчесе укучыларны артистлык һөнәренә өйрәтте, сәхнә серләренә төшендерде, алар белән рольләр өйрәнде, костюмнар сайларга булышты. Тамашачылар артистларның осталыгына куанып, артистлар үзләре үз иҗатларыннан канәгать булып өйләренә таралышты.

Спектакль булганның икенче көнендә үк Ләйлә Фәхретдинова үзенең укучысы Илназ Гаффанов белән Чаллы шәһәренә юл тотты. Монда алар "Бәхет йолдызы" дип аталган республика бәйгесендә катнашты. Илназ бәйгедә "Нәфис сүз" номинациясендә катнашты һәм Ләбиб Леронның "Тишек хәтер" әсәрен оста һәм сәнгатьле башкарганы өчен 1 нче урын белән бүләкләнде.

Гөлфинә ГАФФАНОВА,

Морт авылы мәдәният йорты мөдире

Нравится
Поделиться:
Реклама
Комментарии (0)
  • 23 октября 2017 в 14:24
    Защити себя!
  • 14 декабря 2017 в 10:33
    Кыш көне кошларны ашатыйк! Күптән түгел “Түбән Кама” милли паркы “Кыш көне кошларны ашатыйк – 2017” табигатьне саклау акциясе уңаеннан, “Иң яхшы җимлек” региональ конкурсын үткәрде.
    11
    0
    0
  • 15 декабря 2017 в 13:34
    Иркә: “Табиблар сәхнәгә чыкмаска кушты” Танылган скрипкачы Иркә Гайнемөхәммәтова икенче тапкыр әни булырга җыена. Аның белән күптән түгел Илсөя Бәдретдинова концертында күрешкән идек, аннан соң тагын бер концертта юлларыбыз кисеште. Иркә белән шәхси тормышы һәм иҗаты турында сөйләшеп алдык.
    9
    0
    0
  • 15 декабря 2017 в 14:17
    Элвин Грейның апасы Регина: «Мин энемне жәллим» - "Шәһри Казан" газетасы Elvin Grey ике милли башкалада стадионнар тутырып концерт куйды. Мондый зур масштаблы концерт куярга эстрадада әле берсенең дә кыюлыгы җитмәгән иде.
    9
    0
    0