Алабуга нуры

Морт авылында мәдәният йорты ачылды (фото)

Морт авылында өр-яңа күпфункцияле үзәк эшли башлады.

Иске клубның торышы һәркем күңелендә борчу уятып торганга, яңа мәдәният йорты ачылу авылда яшәүчеләр өчен чып-чын бәйрәм булды. Яңа үзәктә уку залы булган китапханә, уен бүлмәләре, 300 урынга исәпләнгән тамаша залы, костюмнар бүлмәсе һәм авыл советы урнашкан. Төзелеш эшләре Мортта июньдә аенда башланды, әлеге максатларга "Авыл клублары" республика программасы буенча 11,2 миллион сум акча бүлеп бирелде. Инженерлык челтәрләрен булдыру өчен тагын өч миллион сум җирле казнадан бүленде. Авыл халкын бу күренекле вакыйга белән район башлыгы Геннадий Емельянов, аның урынбасары Зөлфия Сөнгатуллина, район башкарма комитеты җитәкчесе Рафил Әюпов, мәдәният идарәсе җитәкчесе Юлия Шәкүрова котлады. Котлау өчен беренче сүз Геннадий Емельяновка бирелде. "Морт халкы аеруча бәхетле, соңгы арада бу авылда хастаханә төзекләндерелде, юллар тәртипкә китерелде, яңа клуб ачылды. Хәзер мортлыларга барлык уңайлыклары булган бу матур тормышка куанып яшәргә генә кирәк", - диде ул. - Бу эшләр эшчән һәм тырыш авыл кешеләреннән башка булмас иде, - дип билгеләп үтте башлык.

- Клубның начар хәлдә булуы турында сүзне моннан ике ел элек башлаган идек. Ул вакытта без Геннадий Егорович белән иске клубның түбәсен алыштырырга уйладык. Ә соңыннан халыкның "искегә тотынсаң исең китәр" дигәнен истә тотып, программада катнашырга һәм яңаны төзергә булдык, - дип сөйләде Морт авыл җирлеге башлыгы Фаиз Закиров. Яңа клубның ачылуын түземсезлек белән тагын бер кеше көтте. "Алабуга районының мактаулы гражданины" исеменә лаек булган Расих абый Хисаметдинов 52 ел буена иске клуб эше белән җитәкчелек иткән. Хәзер ул инде лаеклы ялда, тик шулай да яңа үзәкне төзү эшләрен шәхсән үзе контрольдә тоткан, көн саен диярлек төзелеш урынында булган.

- Мин бүген бик бәхетле, чөнки үз тормышымда мин икенче тапкыр яңа клуб ачам, - дип уртаклашты Расих Борханович авылдашлары белән. Башкалар да яңа клуб ачылуын зур түземсезлек белән көткәннәр.

- Без клубка еш йөрибез. Бер концертны да калдырган юк, бәйрәмнәрдә монда безнең өчен төрле чаралар әзерлиләр, ә яңасына тагын да ешрак йөриячәкбез, - дип куана Илүсә Габдуллина. Мактаулы кунаклар кызыл тасманы кисү белән клуб ишекләре ачылды, ә шуны гына көтеп торган авыл халкы яңа үзәкне карарга ашыкты. Авыл артистлары һәм Алабуга кунаклары җыелганнар өчен зур бәйрәм концертты күрсәтте.

Сабина КАЧАЕВА

Автор фотосы

Нравится
Поделиться:
Реклама
Комментарии (0)
  • 18 февраля 2018 в 21:21
    Татарстанның бакчачылык берләшмәләрен үстерүгә 150 миллион сум тотылган Республика программасында 20ләп районның бакчачылык берләшмәләре катнаша.
    14
    0
    0
  • 16 февраля 2018 в 15:45
    В Елабуге состоится концерт мастеров искусств Завтра в 18.30 в городском Дворце культуры состоится концерт мастеров искусств.
    37
    0
    0
  • 16 февраля 2018 в 12:00
    Үкенечле ядкяр Беренче мәртәбә Язиләнең фотоальбомында буш калган бу битне Нурзифа Х классны тәмамлаган, инде кулга аттестатлар алган, котлаулар тыңлаган һәм хушлашу кичәсе узган көнне, дөресрәге, туып килүче иртәне күргән иде.
    32
    0
    0
  • 16 февраля 2018 в 11:00
    ...Кайнар белен – иң яхшы ашамлык! Май чабу атнасы тиздән ахырына якынлаша, ләкин әле беленнәр белән сыйланыр өчен безнең тагын өч көн бар.
    31
    0
    0
  • 16 февраля 2018 в 10:00
    Бокс – ул яшәү рәвеше Казанда 2004-2005 елгы үсмерләр арасында бокс буенча Татарстан Республикасы беренчелеге узды.
    33
    0
    0
  • 16 февраля 2018 в 08:51
    Алабугалылар сорауларына җавап алды Алабуга шәһәр мәдәният сараенда Ветераннар советының җәмәгать кабул итүе булды.
    33
    0
    0
  • 16 февраля 2018 в 08:42
    Әфганчылар көне 15 февральдә совет гаскәрләренең Әфган җиреннән чыгарылуына 29 ел тулуына багышланган митинг булды. Әфган җирендә 9 ел эчендә 15 мең кеше һәлак булган.
    32
    0
    0
  • 16 февраля 2018 в 08:30
    Рак: ничек кисәтергә Дөньяда ел саен 10 миллион кешедә рак табыла. “Онкология” диагнозы көн саен 27 мең кешегә куела булып чыга, шуларның 1,5 меңе – россиялеләр. Алабуга районында бүген 1700 кеше онкологта исәптә тора. Ике ел эчендә әлеге коточкыч диагноз районның 300дән артык кешесенә куелган.
    33
    0
    0
  • 23 октября 2017 в 14:24
    Защити себя!