Алабуга нуры

Путин Татарстан волонтерына Рөстәм Миңнехановны туган көне белән котларга тәкъдим итте

Президент телефон аша сөйләшкәндә Татарстан пенсионеры республика башлыгы белән ирекле проектлар буенча фикер алыша алачак, дип белдерде.

Россия Президенты Владимир Путин Татарстан волонтерына республика Президенты Рөстәм Миңнехановның туган көне белән котларга һәм аның белән ирекле проектлар буенча фикер алышырга тәкъдим итте.

Татарстан пенсионеры Хрия Халитова пәнҗешәмбе көнне Путинның «Без бергә» акциясендә катнашучылар белән очрашуында Президентка пандемия вакытында ветераннарга күрсәткән ярдәм, шулай ук волонтерларның башка эшләре турында сөйләде.

«Сез шундый зур эш башкарасыз, һәм ул аны хуплар өчен лаек», — дип билгеләп үтте дәүләт башлыгы. Путин сүзләренчә, күптән түгел ул Татарстан Президенты Рөстәм Нургалиевичны туган көне белән котлаган. Рөстәм Миңнехановка 1 мартта 64 яшь тулды.

«Сез аңа шалтыратмадыгыз, котламадыгызмы?» — дип сорады Путин. Халитова тискәре җавап бирде. «Аңа шалтыратыгыз, котлагыз. Аңа бик күңелле булачак. Аның белән якын арада әзерләнгән проектлар буенча фикер алышыгыз, ул сезгә ярдәм итәр дип ышанам, — дип тәкъдим итте дәүләт башлыгы. — Сезгә җиңелрәк булсын өчен, аның ярдәмчеләре сезнең белән элемтәгә керәчәкләр, ә сез аны туган көне белән котлыйсыз, ә ул сезнең эш барышында Сезгә ярдәм итәр өчен берәр нәрсә уйлап табачак».

«Яхшы, киңәшегез өчен зур рәхмәт. Бу бик шәп булачак!» — дип рәхмәт белдерде Халитова.

«Мин шикләнмим», — дип җавап бирде Путин.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: