Алабуга нуры

Россиядә коронавирусның дүртенче дулкыны көтелә

Белгеч фикеренчә, вирус ел ярым яки ике елдан соң гына проблема булудан туктаячак.

Россияне коронавирус инфекциясенең яңа, дүртенче дулкыны көтә. «Лидер медицины» медицина үзәгенең баш табибы, йогышлы авырулар табибы Евгений Тимаков "Беренче канал«дагы «Время покажет» программасы эфирында шулай дип белдергән.

«Бездә коронавирус инфекциясенең өч дулкыны булды инде, тагын булачак. Көзен дә, язын да яңа күтәрелеш көтелә», — дип кисәтте белгеч.

Йогышлы авырулар табибы бәяләвенчә, вирус ел ярым яки ике елдан соң гына проблема булудан туктаячак. «Әмма бу шушы ел ярым — ике елда куркып яшәргә кирәк дигәнне аңлатмый», — дип искәртте ул.

Моннан тыш, Тимаков Россиядә яшәүче 80-90 процент кешенең SARS-CoV-2 коронавирусы белән теге яки бу формада инде контактка керүен әйтте.

Чыганак

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: