Роуминг бетә, түләү кала
Ил эчендәге роуминг бетәчәк. Элемтә базарындагы үзгәрешләр хакында сөйләгәндә, Россия коммуникацияләр һәм элемтә министры Николай Никифоров әнә шулай дип белдерде. Моннан тыш элемтә операторын алыштырганда, телефон номерын үзгәртмәү мөмкинлеге дә биреләчәк.
Әлеге яңалыклар ведомство әзерли торган яңа закон проектында чагылыш тапкан. Аны тикшерү 1-2 айдан башланырга тиеш. Законның кайбер нечкәлекләре белән Никифоров үзенең Интернет сәхифәсендә уртаклашкан. "Ил эчендә роумингтан баш тартырга булдык", - дигән ул бу хакта. Дөрес, бер искәрмә белән: икенче шәһәргә шалтыратканда, өстәмә түләү алу калачак. Әйтик, Ульяновскида яшәүче кеше Казанга килә икән, ул башкалада да үз төбәгендәге бәяләр белән шалтырата алачак. Ягъни кешегә Россиянең һәр шәһәрендә "җирле" сим-карта алу ихтыяҗы бетә. Ләкин өенә - Ульяновскига шалтырату, элеккечә, шәһәр арасындагы элемтә буларак бәяләнәчәк.
"Яңа закон кулланучыларга гына түгел, операторларга да яңа мөмкинлекләр тудырачак", - дип өсти министр. Дөрес, закон әле тикшерелә дә башламаган, ә белгечләр инде кәрәзле элемтә бәяләре арту белән куркыта. "Кунак"ларга хезмәт күрсәтү өчен чыгымнарны элек роуминг капласа, хәзер операторларга бүтән юллар эзләргә кирәк булачак. Алар үзләре бу хакта сүз куертырга ашыкмый: "Әлеге фикерне тормышка ашыру планы төгәл билгеле булмыйча, без аның оешмага тәэсире хакында әйтә алмыйбыз", - дип кенә чикләнәләр. Министрлыкның халыкка ясаган тагын бер бүләге: элемтә операторын алмаштырганда, телефон номерын үзгәртмәү. Дөрес, кулланучы өчен бу хезмәт 100-200 сумга төшәргә мөмкин.
-
19 апрель 2018 - 16:42Казанда FIFA төп билет сату үзәге ачылды Бу үзәктә апрель ахырына кадәр FIFA сайтында сатылган билетларны алырга була.
-
18 апрель 2018 - 14:27Футбол буенча дөнья чемпионаты матчларына билет сатуның йомгаклау этабы башлана Чемпионатны оештыручылар җанатарларга билет сатып алуны сузмаска киңәш итә.
-
18 апрель 2018 - 10:43Һәр сүзе ялкынлы Март ахырында Яр Чаллыда иҗат кешеләре танылган татар шагыйрәсе, Татарстанның атказанган мәдәният эшлеклесе, Габдулла Тукай исемендәге дәүләт бүләге иясе Клара Булатова белән очрашты. Алабугадан бу кичәдә катнашкан Кадрия Наил кичерешләрен шигъри юлларга салган.
-
18 апрель 2018 - 10:38Безнекеләр икенче урында Үткән ялларда Алабугада Космонавтлар көненә багышланган Бөтенсоюз хоккей турниры булды.
-
18 апрель 2018 - 10:33Алкогольле продукцияне теркәү Бердәм дәүләт автоматлаштырылган мәгълүмәт системасында теркәлмәгән алкоголь продукциясенең әйләнеше “Этил спирты, алкогольле һәм спиртлы продукция җитештерүен һәм әйләнешен җайга салу һәм һәм алкогольле продукциякуллану (эчү) күләмен чикләү турында” Федераль Закон белән тыелган.
-
18 апрель 2018 - 08:19Казанда узачак футбол буенча дөнья чемпионаты матчларына 2 миллионнан артык билет сатылган ЧМ-2018 матчларына билетларның яртысыннан артыгын чит ил җанатарлары алган.
-
17 апрель 2018 - 14:59Башта челтәрләр, аннары – мунча Үткән атна ахырында Алабугада мунча комплексын төзү проекты буенча фикер алыштылар. Бу уңайдан узган эшлекле киңәшмәдә район башлыгы Геннадий Емельянов, проект инвесторы Юрий Бычков, шулай ук шәһәр предприятиеләренең җитәкчеләре катнашты.
-
17 апрель 2018 - 14:55“Җиңү язы” Алабугада Безнең шәһәрдә “Җиңү язы” хор музыкасының III төбәк фестивале үтте.
