Алабуга нуры

Рөстәм Миңнеханов Алабугада Ford Sollers өчен белгечләр әзерләү үзәге ачты

Бүген ТР Президенты үзенең эш сәфәре кысаларында Алабуга политехник көллиятендә булды. Биредә уку йорты базасында «Алабуга» МИЗ өчен белгечләр әзерләү ресурс үзәге ачылды.

Рөстәм Миңнехановны вице-премьер - ТР мәгариф һәм фән министры Энгель Фәттахов, Алабуга районы башлыгы Геннадий Емельянов озатып йөрде.

Бөтен республика буенча һөнәри белем бирү учреждениеләре составындагы мондый үзәкләр нибары бишәү генә. ТР Президенты сүзләренчә, киләчәк - уку йортлары һәм предприятиеләр белән тыгыз эшләүче шундый үзәкләрдә. Мондый укыту схемасы бизнеска кирәкле кадрлар әзерләргә мөмкинлек бирә.

«Биредә студентлар укытылып кына калмый, яңадан әзерләү дә гамәлдә - бу форма бик дөрес. Безнең партнер «Форд Соллерс» раславынча, биредә предприятиегә үзләренә кирәкле белгечләрне тиз арада әзерләргә мөмкинлек бирүче схема эшләнгән. Дөнья бик тиз үзгәрә, фәнни-техник алгарыш бер урында таптанмауны таләп итә, үзегез уйлап карагыз, хәзер үк күпме белгеч җитми, ә тагын 5-10 елдан аларның күпме кирәк булачагы билгесез. Мондый ресурс үзәкләрендә дөнья компанияләре белгечләре дә укытырга тиеш, чөнки «Алабуга» МИЗы - ул дөнья комплексы», - дип билгеләп үтте Рөстәм Миңнеханов җыелучыларга мөрәҗәгать итеп.



Ул политехник көллиятнең студентларына аерым: "Сезнең потенциал бар, без сезгә өметләнәбез. Биредә мин максатка омтылышлы егетләрне күрәм, аларның яхшы белгечлек, белем һәм тәҗрибә аласылары килә. Сезгә бөтен җирдә иҗтыяҗ булыр дип ышанам. Минечә, без сезгә кармак тоттырдык, ә балыкны сез үзегез тотачаксыз", - диде.

Ресурс үзәген җәй дәвамында әзерләгәннәр, уку йортының бер бинасында ремонт ясалган, җиһазлар сатып алынган. Биредә кыска вакытлы курсларда «Алабуга» МИЗы өчен токарь, фрезерчы, йөк төягеч машина йөртүчеләр әзерләячәкләр. Бер елга 500гә кадәр белгеч әзерләү ниятләнә.

Нравится
Поделиться:
Реклама
Комментарии (0)
  • 23 октября 2017 в 14:24
    Защити себя!
  • 14 декабря 2017 в 10:33
    Кыш көне кошларны ашатыйк! Күптән түгел “Түбән Кама” милли паркы “Кыш көне кошларны ашатыйк – 2017” табигатьне саклау акциясе уңаеннан, “Иң яхшы җимлек” региональ конкурсын үткәрде.
    10
    0
    0
  • 15 декабря 2017 в 13:38
    Путин: Татарстанны яратам, анда минем дусларым күп Ил җитәкчесе матбугат конференциясендә тел мәсьәләсенә ачыклык кертте.
    8
    0
    0
  • 15 декабря 2017 в 13:34
    Иркә: “Табиблар сәхнәгә чыкмаска кушты” Танылган скрипкачы Иркә Гайнемөхәммәтова икенче тапкыр әни булырга җыена. Аның белән күптән түгел Илсөя Бәдретдинова концертында күрешкән идек, аннан соң тагын бер концертта юлларыбыз кисеште. Иркә белән шәхси тормышы һәм иҗаты турында сөйләшеп алдык.
    7
    0
    0