Алабуга нуры

Рөстәм Миңнеханов «Ак Барс» катнашында плей-оффка открыткалар чыгуны анонслады

Открыткалар хоккей клубын һәм татар телен популярлаштыруга юнәлдерелгән. 

Татарстан Президенты Рөстәм Миңнеханов «Ак Барс» хоккей клубы катнашында КХЛ плей-оффы башлануга багышланган татар телендә открыткалар чыгуын анонслады. Республика җитәкчесе беренче открыткаларның берсен Instagram социаль челтәрендә үз битендә бастырып чыгарды.

«Ак Барс» өчен җан атабыз һәм татар телен өйрәнәбез«, — дип язган ул. 

Яңа открыткалар чыгару проектын «Хатлар йорты» компаниясе башлап җибәрде. Аларның концепциясе татар исем сүз төркемнәре аша хоккей асылын ачудан тора. Открыткаларда татар сүзләре рус һәм инглиз телләренә тәрҗемә ителгән.

Открыткалар хоккей клубын һәм татар телен популярлаштыруга хезмәт итәргә тиеш. Карточкаларда танылган хоккейчыларның фоторәсемнәре, шулай ук аларның автографлары басылачак.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: