Алабуга нуры

Руль артында сөйләшмә

Алабугалылар "Халык контороле"нә мөрәҗәгать иткән. Алар телефоннан сөйләшеп баручы машина йөртүчеләрдән зарланган.

"Хәрәкәт вакытында телефоннан файдалану" төре бу системага үткән елның июнендә кертелгән. Шуннан бирле аңа 180 хәбәр алынган. Гаризалар эре үзәкләрдән генә түгел, Арча, Бөгелмә, Яшел Үзән, Азнакай, Зәй. Алабуга кебек шәһәрләрдән дә бар. Нигездә тәртип бозулар үтеп баручы машина пассажирлары, җәмәгать транспортында баручылар тарафыннан игътибарга алына. Юлда телефоннан сөйләшеп баручы кеше юл хәрәкәте куркынычсызлыгын сакламый, һәлакәт очрагына сәбәпче булырга мөмкин. Хәрәкәт вакытында телефоннан сөйләшкән өчен, 1500 сум күләмендә административ штраф каралган.

Нравится
Поделиться:
Реклама
Комментарии (0)
Осталось символов: