Алабуга нуры

Табиблар кар көртеннән табылган баланың аягын саклап калу өчен көрәшә

Табиблар Яшел Үзәннән ерак түгел урында - Чувашстан белән чиктә табып алынган 9 яшьлек малайның аягын саклап калу өчен көрәшә.

Яшел Үзәннән булган әлеге малайның әбисенә барган юлда адашуы һәм полиция хезмәткәрләре тарафыннан Шырдан тимер юл станциясеннән ерак түгел урында - бакчачылык ширкәте тирәсендә табып алынган иде. Аны төнге сәгать 3тә поезд машинисты күрә һәм полициягә хәбәр итә.
Ярымһушсыз хәлдә булган баланың аяклары нык туңган - өченче дәрәҗәгә җитеп өшегән була.
Малай 17 гыйнварда Яшел Үзәндәге өеннән Албаба станциясе янында яшәүче әбисенә чыгып киткән. Ләкин электричкага соңга калгангамы, әллә көтеп тормаганмы - буран булуга карамастан җәяүләп киткән.

intertat.ru

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: