Алабуга нуры

Татарстан аграрчылары басуларның урып-җыюга әзерлеген спутник фотосурәтләре буенча билгели ала

Бу хакта бүген Татарстан Республикасы Авыл хуҗалыгы һәм азык-төлек министрлыгында районнар белән узган киңәшмә барышында сөйләделәр.

Хәзерге вакытта цифрлаштыру Татарстанның авыл хуҗалыгы тармагында мөһим роль уйный. Әйтик, бүгенге көндә инде аграрчылар басуларның урып-җыюга әзерлеген спутник фотосурәтләре буенча билгели ала.
Республика мәгълүмат-хисаплау үзәге генераль директоры Нияз Хәлиуллин билгеләп үткәнчә, бу хуҗалык җитәкчеләре һәм агрономнарының эшен бөтенләй яңа дәрәҗәгә чыгарырга мөмкинлек бирә, өстәвенә, өстәмә финанс чыгымнарыннан башка. Сервис бушлай. Даими рәвештә басуларга йөрергә кирәкми. Шулай ук, спутник мониторингы барлык басуларны күрергә һәм аның төрле өлешләрендә уңыш өлгерешен анализларга мөмкинлек бирә.
Моннан тыш, бер хуҗалыкта төрле кырларның өлгерү дәрәҗәсен анализлау буенча урып-җыю кампаниясендә катнашучы белгечләрне һәм техника паркын рациональ рәвештә бүләргә мөмкин.
Киңәшмә барышында шулай ук кырларны паспортизацияләү, уңышны җыеп алу буенча хисап, терлекләрне бердәм идентификацияләү һәм авыл хуҗалыгы предприятиеләре өчен үз товарларын һәм хезмәтләрен нәтиҗәле күрсәтү мөмкинлеге турында фикер алыштылар.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: