Алабуга нуры

Татарстан җитәкчеләренең медианәтиҗә рейтингы исемлеге билгеле булды 

Тикшеренүләрне «ПромРейтинг» агентлыгы үткәргән.

Казан шәһәре мэры Илсур Метшин 2020 елның өченче кварталы өчен Татарстан җитәкчеләренең медианәтиҗәлелеге рейтингында беренче урынны били. Мондый мәгълүматны «ПромРейтинг» тикшерү агентлыгы җиткерә. Җитәкченең рейтингның беренче баскычына әйләнеп кайтуы гаммәви мәгълүмат чараларында мәгълүмати сылтауларның саны арту белән бәйле.
Моннан тыш, Метшинның позицияләренә Казанга «Хезмәт батырлыгы шәһәре» исемен бирү, шулай ук Казанда «Рус-Немец Швейцариясе» экопаркы проектын тәкъдим итү һәм шәһәрдә 2020-2025 елларга исәпләнгән Вируска каршы стратегиянең кабул ителүе дә йогынты ясаган.
Икенче һәм өченче урында ТР сәламәтлек саклау министры Марат Садыйков һәм Түбән Кама мэры Айдар Метшин урнашкан.
Алабуга районы башлыгы Рөстәм Нуриев рейтингның 25нче баскычында.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: