Алабуга нуры

Татарстан җыелма командасы WorldSkills Russia чемпионатында 38 алтын медаль алды

Пандемия аркасында илкүләм беренчелегендә катнашучы 200 республикалы Новокузнецкига финалга бармады, алар Татарстанда биремнәрне үтәп, дистанцион рәвештә ярышты.

Татарстан җыелма командасы «Яшь профессионаллар» (WorldSkills Russia) илкүләм чемпионатында 38 алтын, 25 көмеш һәм 39 бронза медальгә лаек булган. Бу турыда ярышны оештыручылар хәбәр итә. 
«Татарстан Республикасы диплом һәм беренче дәрәҗә кубогы алды», диелә хәбәрдә. 
Республика рейтингның абсолют лидеры булган Мәскәүгә генә оттырган.
Татарстан җыелма командасына 206 яшь профессионал тупланган иде, алар 158 компетенциядә ярышты. Пандемия аркасында илкүләм беренчелегендә катнашучы 200 республикалы Новокузнецкига финалга бармады, алар Татарстанда биремнәрне үтәп, дистанцион рәвештә ярышты.
Ярышлар көллиятләр һәм компетенцияләр үзәкләре мәйданчыкларында узды.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: