Алабуга нуры

Татарстанда 36 кеше коронавирус йоктырган 

Алабугада COVID-19 йоктыруның 1 очрагы теркәлгән.

Яңа вирус йоктырган 13 кеше хастаханәгә озатылган, 23 кеше өйдә дәвалана.

Казанда — 12, Чаллыда — 11, Түбән Камада — 4, Лаешта — 3, Нурлатта — 2, Азнакай, Балтач, Алабуга һәм Тукай районнарында берешәр кеше йоктырган.

1 апрельгә алынган мәгълүматлар буенча, Татарстанда барлыгы COVID-19 белән авыруның 19 456 очрагы теркәлгән.

Пандемия башланганнан бирле коронавирус инфекциясе йоктырган 16 419 кеше савыккан, узган тәүлектә — 97 кеше. 

Спутник-V вакцинасы белән 137 627 кешегә прививка ясалган (тәүлегенә 4 143 кешегә арткан). Шуларның 91919ы икенче прививка ясаткан. 

Вакцинациягә 5 төрле ысул белән язылырга була:

1.    РФ бердәм дәүләт хезмәтләре порталы (ЕПГУ)
2.    Татарстан Республикасының дәүләт һәм муниципаль хезмәтләр порталы
3.    122 бердәм номерына шалтыратып
4.    КПҮкә (МФЦ) мөрәҗәгать итеп
5.    Хастаханәгә шалтыратып.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: