Алабуга нуры

Татарстанда 48 кеше коронавирус йоктырган 

Алабугада COVID-19 белән авыручылар теркәлмәгән. 

Яңа вирус йоктырган 22 кеше хастаханәгә озатылган, 26 кеше өйдә дәвалана.

Казанда — 15, Чаллыда — 13, Баулыда — 6, Яшел Үзән, Менделеевск һәм Түбән Кама районнарында — 2шәр, Әлмәт, Биектау, Кама Тамагы, Лаеш, Минзәлә, Яңа Чишмә, Норлат һәм Балык Бистәсе районнарында берешәр кеше йоктырган.

19 мартка алынган мәгълүматлар буенча, Татарстанда барлыгы COVID-19 белән авыруның 18 927 очрагы теркәлгән.

Пандемия башланганнан бирле коронавирус инфекциясе йоктырган 15 712 кеше савыккан, узган тәүлектә — 85 кеше. 

Спутник-V вакцинасы белән 110 160 кешегә прививка ясалган (тәүлегенә 1 451 кешегә арткан). Шулардан 68 426 кеше вакцинаның икенче дозасын алган.

Вакцинациягә 5 төрле ысул белән язылырга була:

1.    РФ бердәм дәүләт хезмәтләре порталы (ЕПГУ)
2.    Татарстан Республикасының дәүләт һәм муниципаль хезмәтләр порталы
3.    122 бердәм номерына шалтыратып
4.    КПҮкә (МФЦ) мөрәҗәгать итеп
5.    Хастаханәгә шалтыратып.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: