Алабуга нуры

Татарстанда COVID-19дан үлүнең тагын 2 очрагы теркәлгән

Вафат булган татарстанлыларның хроник авырулары да булганлыгы билгеле.

1938 елда туган татарстанлы 23 июньдә коронавирус инфекциясенең авыр формасы һәм ике яклы пневмония белән Тукай Үзәк район хастаханәсенә салына. Пациентның хәле эндокрин системаның хроник авырулары булу аркасында начарлана.15 июльдә үлем констатацияләнә.
1951 елда туган пациентны, баш миендәге кан әйләнешенең бозылуына шикләнеп, 17 июльдә Яр Чаллы шәһәренең Ашыгыч медицина ярдәме хастаханәсенә озатканнар. Тикшерү нәтиҗәсендә үпкә ялкынсынуы һәм хроник авыруның катлаулануы ачыкланган. Пациентның хәле авыр булып кала, ул үпкәләрнең ясалма вентиляциясе аппаратына тоташтырыла. 21 июльдә татарстанлы вафат була.
Ике очракта да үлем сәбәбе патологоанатомик экспертиза нәтиҗәсендә билгеләнгән. Вирус идентификацияләнгән.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: