Алабуга нуры

Татарстанда документларсыз 2 тоннага якын тере кысла төялгән машина тоткарланган

Транспорт чарасы Чаллыда Түбән Камага бару юлындагы "Автостанция" тукталышында туктатылган.

Татарстанда Россия Эчке эшләр министрлыгының Чаллы буенча идарәсе һәм Икътисади куркынычсызлык бүлеге хезмәткәрләре 1,7 тонна тере кысла партиясен тоткарлаган.

Транспорт чарасы Түбән Камага бару юлындагы "Автостанция" тукталышында туктатылган. Татарстан Министрлар Кабинетының Баш ветеринария идарәсе матбугат хезмәте хәбәр итүенчә, йөк Ростов өлкәсе Батайск шәһәренә озатыласы булган.

"9 августта 14.00 сәгатьтә Россия Эчке эшләр министрлыгының Чаллы буенча идарәсе һәм Икътисади куркынычсызлык бүлеге хезмәткәрләре Түбән Камага бару юлындагы "Автостанция" тукталышында тоткарлаган транспортта 1700 килограмм тере кысла барлыгы ачыклана. Товарга тиешле документлар булмый. Чаллы инспекторлары тарафыннан Россия Административ хокук бозу кодексының 10 нчы маддәсе 2 нче бүлеге нигезендә беркетмә төзелде", - диелә хәбәрдә.

Чыганак: tatar-inform

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: