Алабуга нуры

Татарстанда илкүләм проект буенча 2020 елда 11 медицина учреждениесе ремонтланды

Дәүләт ярдәме белән ТР хастаханәләрендә табиблар саны 219 кешегә артты.

Узган ел Татарстанда «Сәламәтлек саклау» илкүләм проекты буенча 11 медицина учреждениесендә капиталь ремонт үткәрелгән. Бу хакта ТР Сәламәтлек саклау министрлыгы хәбәр итә, ул Татарстан территориясендә проектның төбәк офисы булып тора.

Моннан тыш, республика хакимияте биш яңа сәламәтлек саклау объекты төзегән. Алар арасында: Казанда проф. А. Ф. Агафонов исемендәге Республика клиник йогышлы авырулар хастаханәсенең икенче корпусы, Республика клиник онкология диспансерының Чаллы һәм Әлмәттәге ике филиалы, Минзәлә үзәк район хастаханәсенең кабул итү-диагностика бүлеге, шулай ук перинаталь үзәкле Әлмәт балалар шәһәр хастаханәсенең хирургия корпусы.

Әлеге илкүләм проект буенча шулай ук медицина хезмәткәрләренең торак шартларын яхшырту өчен грантлар бирелде һәм яшь белгечләргә өстәмә түләүләр һәм «Земский доктор» сәламәтлек саклау өлкәсе хезмәткәрләренә бер тапкыр бирелә торган түләүләр бирелде.

Моннан тыш, Татарстан Республикасы Хөкүмәте медицина югары уку йортларын тәмамлаучыларны актив җәлеп итте һәм медицина хезмәткәрләре өчен социаль ипотека программасын актив гамәлгә ашырды. Узган ел эчендә Татарстанның медицина учреждениеләрендә табиблар саны 219 кешегә артты.

«Сәламәтлек саклау» илкүләм проекты Россиядә 2019 елдан бирле гамәлгә ашырыла. Аның төп бурычлары — эшкә яраклы халыкның үлем санын 100 мең кешегә исәпләгәндә 350 очракка кадәр киметү, йөрәк-кан тамырлары авыруларыннан үлүчеләр санын 100 мең кешегә исәпләгәндә 450 очракка кадәр киметү, яман шешләрдән үлүчеләр санын 100 мең кешегә исәпләгәндә 185 очракка кадәр киметү.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: