Алабуга нуры

Татарстанда иртәгә яшенле яңгыр һәм көчле җил көтелә

Республикада алмашынучан болытлы һава булачак.

Иртәгә, 23 июньдә, Татарстанда уртача җылы һәм шул ук вакытта тотрыксыз һава торышы саклана. Һава шартларының янә бозылуы көтелә, дип хәбәр итә Татарстанның Гидрометеорология үзәге.

Республикада алмашынучан болытлы һава булачак. Урыны белән төнлә дә, көндез дә яңгырлар явуы һәм яшен яшьнәве ихтимал.

Төньяк-көнчыгыштан талгын җил исәчәк. Яшенле яңгыр вакытында җил тизлеге секундына 15-18 метрга кадәр көчәер, дип билгеләп үтә синоптиклар.

Төбәктә төнлә һава температурасы +11..+16 градус (Татарстан башкаласында — +13..+15 градус) тәшкил итәчәк. Тәүлекнең якты вакытында һава +19..+24 градус, ә республиканың көнчыгышында 28 градуска кадәр җылы булачак.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: