Алабуга нуры

Татарстанда коронавирустан үлүчеләр саны 67гә җитте

Бу юлы 63 яшьлек ир-ат коронавирус корбаны булган.

Татарстан Республикасында коронавирус инфекциясе белән зарарлануның 21 яңа очрагы ачыкланган. Бу хакта ТР буенча COVID-19га каршы көрәш штабы хәбәр итә. 
1 кеше хастаханәләргә озатылган, 20 кеше өйдә дәвалана. Авыручыларның төп яшь төркемнәре түбәндәгечә: 18 яшькә кадәр — 1 очрак, 18дән 30 яшькә кадәр — 1 очрак, 30дан 50 яшькә кадәр — 11 очрак, 50дән 60 яшькә кадәр — 3 очрак, 60тан 70 яшькә кадәр — 4 очрак, 70тән 80 яшькә кадәр 1 очрак ачыкланган.
Казанда — 13, Питрәчтә 2 кеше коронавирус йоктырган. Яр Чаллы, Балтач, Кама Тамагы, Нурлат, Саба, Чистай районнарында берәр очрак теркәлгән.
10 сентябрьгә Татарстанда COVID-19 белән авыруның 6761 очрагы теркәлгән. Эпидемия башланганнан бирле коронавирус расланган 5581 кеше савыккан, узган тәүлектә — 18 кеше.
Татарстанда коронавирус инфекциясеннән үлүнең тагын 1 яңа очрагы расланган. Бу — 67нче үлем очрагы.
63 яшьлек ир-ат Казанның вакытлыча йогышлы авырулар госпиталенә озатыла. Анда яңа коронавирус йогышының авыр формасы була. Шулай ук пациентның хроник авырулары да булганлыгы билгеле. Үлемнең сәбәбе экспертиза нәтиҗәсендә билгеләнгән.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: