Алабуга нуры

Татарстанда соңгы тәүлектә 32 кеше коронавирус йоктырган 

Алабугада COVID-19 йоктыручылар теркәлмәгән.

Яңа вирус йоктырган 14 кеше хастаханәгә озатылган, 18 кеше өйдә дәвалана.

Казанда — 13, Чаллыда — 5, Азнакай һәм Лениногорск районнарында — 3шәр, Питрәч һәм Балык Бистәсендә — 2шәр, Яшел Үзән, Лаеш, Нурлат һәм Чистай районнарында берешәр кеше йоктырган.

16 апрельгә алынган мәгълүматлар буенча, Татарстанда барлыгы COVID-19 белән авыруның 19 964 очрагы теркәлгән.

Пандемия башланганнан бирле коронавирус инфекциясе йоктырган 17 088 кеше савыккан, узган тәүлектә — 49 кеше, бер атнада — 302.

Спутник-V вакцинасы белән 192 915 кешегә прививка ясалган (тәүлегенә 5 557 кешегә арткан). Шуларның 114 425е прививканың икенче дозасын ясаткан. 

Вакцинациягә 5 төрле ысул белән язылырга була:

1.    РФ бердәм дәүләт хезмәтләре порталы (ЕПГУ)
2.    Татарстан Республикасының дәүләт һәм муниципаль хезмәтләр порталы
3.    122 бердәм номерына шалтыратып
4.    КПҮкә (МФЦ) мөрәҗәгать итеп
5.    Хастаханәгә шалтыратып.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: