Алабуга нуры

Татарстанда тагын 52 кеше коронавирус йоктырган 

Алабугада COVID-19 белән яңа авыручылар теркәлмәгән. 

Яңа вирус йоктырган 18 кеше хастаханәгә озатылган, 34 кеше өйдә дәвалана.

Авыручыларның төп яшь төркемнәре түбәндәгечә: 18дән 30 яшькә кадәр — 5, 30дан 50 яшькә кадәр — 15, 50дән 60 яшькә кадәр — 8, 60тан 70 яшькә кадәр — 14, 70тән 80 яшькә кадәр — 7, 80нән 90 яшькә кадәр — 3 очрак ачыкланган.

Казанда — 23, Чаллыда — 8, Чүпрәле һәм Яшел Үзәндә — 4, Түбән Камада — 3, Буа, Биектау, Лениногорск районнарында — 2шәр, Кайбыч, Кукмара, Лаеш һәм Тукай районнарында берешәр кеше йоктырган.

1 мартка алынган мәгълүматлар буенча, Татарстанда барлыгы COVID-19 белән авыруның 18 029 очрагы теркәлгән.

Пандемия башланганнан бирле коронавирус инфекциясе йоктырган 14 585 кеше савыккан, узган тәүлектә — 10 кеше.

Спутник-V вакцинасы белән 81 753 кешегә прививка ясалган. Шулардан 13 742 кеше вакцинаның икенче дозасын алган. 

Вакцинациягә 5 төрле ысул белән язылырга була:

1.    РФ бердәм дәүләт хезмәтләре порталы (ЕПГУ)
2.    Татарстан Республикасының дәүләт һәм муниципаль хезмәтләр порталы
3.    122 бердәм номерына шалтыратып
4.    КПҮкә (МФЦ) мөрәҗәгать итеп
5.    Хастаханәгә шалтыратып.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: