Алабуга нуры

Татарстанда тагын ике кеше коронавирус инфекциясеннән вафат булган

10 октябрьгә COVID-19дан үлүнең 87 очрагы теркәлгән.

Татарстанда COVID-19 инфекциясеннән тагын ике үлем очрагы теркәлгән.
1975 елда туган ир-ат Чистай үзәк район хастаханәсе базасындагы вакытлыча госпитальгә озатыла. Авыруның халәте хроник авырулар кискенләшүе фонында начарланган. Коронавирус йогышы булу лаборатор тикшерү нәтиҗәсендә расланган.
1962 елда туган ир-ат ике яклы пневмония белән Яр Чаллы йогышлы авырулар хастаханәсенә китерелә. Аның йөрәк-кан тамырлары системасы авырулары булган. Үлемнең сәбәбе патологоанатомик экспертиза нәтиҗәсендә билгеләнгән. Вирус идентификацияләнгән.
10 октябрьгә COVID-19дан үлүнең 87 очрагы теркәлгән.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: