Алабуга нуры

Татарстанда томан һәм 32 градуска кадәр салкын көтелә

Иртән һәм көндез республика территориясендә бераз кар явуы ихтимал.

12 мартта төнлә һәм иртән Татарстан территориясендә томан көтелә. Бу хакта ТР Гидрометеорология үзәгенең матбугат хезмәтенә сылтама белән "Татар-информ" агентлыгы хәбәр итә.

«Аязучан болытлы һава. Төнлә явым-төшемсез», — диелә синоптиклар хәбәрендә.
Иртәнге һәм көндезге сәгатьләрдә бераз кар көтелә, төнлә төньяк-көнбатыштан исүче җил, соңрак бераз көчәячәк. 

Татарстанда 12 мартта төнлә −22дән −27 градуска кадәр, урыны белән термометр баганалары −32 градуска кадәр төшәчәк. Көндез минус билгесе белән 11-16 градуска кадәр җылытачак.

Юлларда бозлавык көтелә.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: