Алабуга нуры

Татарстанлылар бәйрәмнәргә әзерлек вакытында Covid-кагыйдәләрне ешрак боза

ТР буенча Роспотребнадзор идарәсе ике атна эчендә 370 кибетне тикшергән.

Яңа ел бәйрәменә әзерлек вакытында республика халкы һәм кибет хезмәткәрләре санитар-эпидимиологик кагыйдәләрне ешрак боза. Бу хакта ТР буенча Роспотребнадзор идарәсе җитәкчесе урынбасары Любовь Авдонина сөйләде.

Җитәкче сүзләренчә, ике атна эчендә 370 кибет тикшерелгән. Иң беренче чиратта бәйрәм алды сәүдәсе оештыручы сәүдә үзәкләре тикшерелгән. Шуларның 25ендә ковид-кагыйдәләрне бозу ачыкланган, бу 6,7 процент дигән сүз. Кызганычка, әлеге вакыт аралыгында ачыкланган кагыйдә бозучылар өлеше гомумән күзәтү периодының уртача өлешеннән ике тапкырга артык, ди Авдонина. 

Яңа ел алдыннан сатып алучылар күп булганлыктан, сатучылар да короновирус инфекциясен профилактикалау чаралары турында оныта. Роспотребнадзор хезмәткәрләре ачыклаганча, сатучылар еш кына шәхси саклану чараларын кулланмый, антисептиклар белән файдаланмый һәм социаль дистанцияне сакламый.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: