Алабуга нуры

Татарстанлылар Яңа ел алдыннан балалар өчен «Путин» түләүләре ала башлады

Түләүләрне 2020 елның 17 декабренә 8 яшь тулмаган балалары булган гаиләләргә бирәләр.

ТР буенча Пенсия фонды 7 яшькә кадәр балалары булган ата-аналарга биш мең сум күләмендә «путин» түләүләрен бирә башлады.

Бүген татарстанлыларның күбесе бу түләүне автомат рәвештә алды инде. Түләүне алу өчен нибары ике очракта гына шәхсән мөрәҗәгать итәргә кирәк: бала 2020 елның июль аеннан соң туса, счет реквизитлары үзгәрсә яки ул ябылган булса. 

2020 ел ахырына кадәр безнең республикада бу түләү 380 мең балага билгеләнгән. 
Ата-аналар моңа кадәр Пенсия фонды ел дәвамында биргән түләүләрнең берсен дә алмаган булса, аларга гариза язарга кирәк. Гаризалар 1 апрельгә кадәр кабул ителә.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: