Алабуга нуры

Татарстанның көньяк-көнчыгышында яңа телеканал эшли башлады

Яңа телеканалның исеме һәм логотибын республика халкы уйлап чыгарачак.

Татарстанның көньяк-көнчыгышында эшләячәк яңа телеканалны «Татмедиа» акционерлык җәмгыяте 2021 елның мартына кадәр эшләтеп җибәрергә планлаштыра. Ул «Татарстан-24» каналының челтәр партнеры буларак булдырыла, дип хәбәр итте медиахолдингның генераль директоры Шамил Садыйков. 

"Чаллының «Чаллы-ТВ» һәм Түбән Каманың «НТР» кебек эре телеканаллары уңышлы гына эшләп килә. Шуңа күрә Әлмәт телеканалын үстерү фикере барлыкка килде. «Татнефть» ярдәмендә Әлмәт тирәсендә Лениногорск, Бөгелмә, Баулы, Зәй һәм Азнакайны кертүче эре агломерация формалашып килә. Бу районнарда яшәүчеләр Әлмәт белән бәйләнештә. Шуңа күрә без Әлмәттә Татарстанның көньяк-көнчыгышында эшләүче телекомпания булдырырга планлаштырабыз«, — диде Садыйков.

Хәзер республиканың нефть башкаласында «Татмедиа» акционерлык җәмгыяте филиалы булган «Әлмәт-ТВ» телеканалы эшли.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: