Алабуга нуры

ТР Дәүләт төзелеш күзәтчелеге инспекциясе башлыгы Василий Кудряшов эш визиты белән Түбән Кама һәм Алабугада булды

Визит барышында ул берничә әһәмиятле объектның төзелеш мәйданчыкларын карады.

Василий Кудряшов «Адымнар-Алабуга» полилингваль мәктәбен төзүнең барышы белән танышты. Әлеге мәктәп Минтимер Шәймиев тәкъдим иткән мәгариф учреждениеләре проектына керә. Объект төзелеше соңгы стадиягә керде.

Аннары ул «Демография» милли проектын гамәлгә ашыру кысаларында төзелә торган ике балалар бакчасын карады. Төзелә торган объектларның һәрберсе 260 балага исәпләнгән. Хәзерге вакытта мәктәпкәчә белем бирү объектлары әзерлекнең югары дәрәҗәсендә. Шулай ук ул күнегүләр өчен футбол манежын карады, аның төзелеше шулай ук тәмамланып килә.

Визит ахырында Василий Кудряшов ТР Дәүләт төзелеш күзәтчелеге инспекциясенең Капиталь төзелеш объектларын төзүне һәм реконструкцияләүне күзәтү буенча көнчыгыш территориаль органы хезмәткәрләре белән очрашу үткәрде, аның барышында алга таба эшләү планы билгеләнде.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: