Алабуга нуры

ТР Минцифра башлыгы татарстанлыларга 5G вышкаларыннан курыкмаска киңәш итте

Вышкаларның нурланышы Россиядә катгый контрольдә булачак.

5G мобиль элемтә вышкаларының яңа буыны гаять зур мөмкинлекләр бирә һәм сәламәтлек өчен куркыныч түгел. Бу хакта Дәүләт идарәсен цифрлы нигездә үстерү, информацион технологияләр һәм элемтә министры Айрат Хәйруллин онлайн-эфир вакытында сөйләде. 

«Нурланыш хакында борчылырга кирәкми, чөнки дөнья нормалары белән чагыштырганда, Россиядәге нурланыш нормалары иң катгыйлары. Скандинавия илләре белән чагыштырсаң, кәрәзле элемтә нурланышы нормалары бездә 10 тапкырга кискенрәк. Саннарда бу 1 кв метрга 10 микроватт дигән сүз», — диде Хәйруллин. 

Хәзерге вакытта Татарстанда эшли торган 5G вышкалары юк, дип искә төшерде министр.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: