Алабуга нуры

ТР Прокуратурасы яшүсмерне трассада автобустан төшереп калдырганнар дигән мәгълүматны тикшерәчәк

Автобус йөртүче яшүсмерне Алабуга ягына таба борылыш янында трассада калдырган, алдан аңа 100 сум акча биргән.

ТР Прокуратурасы яшүсмерне трассада автобустан төшереп калдырганнар дигән мәгълүматны тикшерәчәк. Бу хакта ТР Прокурорының өлкән ярдәмчесе Руслан Галиев хәбәр итте.
Кичә социаль челтәрләрдә Казан кешесе энесен Алабугага кадәр рейс автобусына утыртуы турында сөйли. Әмма автобус йөртүче яшүсмергә юл уртасында шәһәрнең үзенә кермәячәген әйтә, чөнки анда җитәрлек пассажир бармаган.
Автор сүзләренчә, автобус йөртүче аның энесен шәһәргә борылыш янында трассада калдыра һәм аңа 100 сум акча бирә. Яшүсмер аны каршы алырга тиешле кешеләргә шалтырата һәм аны килеп алалар.
ТР Прокуратурасы бу очрак турында мәгълүматны тикшерәчәк. Шәһәрара пассажирлар йөртүне оештыру турындагы таләпләрнең үтәлеше тикшереләчәк. Әгәр нинди дә булса хокук бозу очраклары табылса, җавап бирү чаралары күреләчәк.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: