Алабуга нуры

ТР төбәк белән идарә итү үзәге гражданнар һәм хакимият арасындагы интернет-хезмәттәшлекнең иң яхшы тәҗрибәсен берләштерәчәк

Хәзерге вакытта җаваплы затлар билгеләнде һәм үзара хезмәттәшлек схемалары эшләнде.

Татарстан Республикасы төбәк белән идарә итү үзәгенең проект офисы Интернетта хакимият органнарының халык белән хезмәттәшлек итүнең иң яхшы тәҗрибәләрен гомумиләштереп гамәлгә ашырачак.

Хәзерге вакытта җаваплы затлар билгеләнде һәм ведомстволар, хакимият органнары һәм закон чыгару органнары арасында үзара хезмәттәшлек схемалары эшләнде. 

ТР төбәк белән идарә итү үзәгенең проект офисы рәисе, ТРда кеше хокуклары буенча вәкаләтле вәкил Сәрия Сабурская сөйләвенчә, Татарстанда халык белән элемтәнең берничә системасы эшли. Хәзер исә аларны бер платформага берләштерергә вакыт җитте. 

«ТР төбәк белән идарә итү үзәгенең проект офисы Татарстан һәм Россия дәүләт һәм муниципаль хакимият органнарының халык белән эшләү тәҗрибәсен, шулай ук башка төбәкләрдә әлеге үзәкләр эшен анализлаячак һәм гомумиләштерәчәк, иң яхшы тәҗрибәләрне сайлап аларны республикада гамәлгә кертү белән шөгыльләнәчәк», — дип хәбәр итте ул. 

Шулай итеп, ТРда «Халык контроле», «Инцидент Менеджмент», «Ачык шәһәр» системалары эшли.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: