Алабуга нуры

Яңа ел төнендә алабугалылар өчен Лада Дэнс чыгыш ясаячак

Киләсе Яңа ел бәйрәме һәм аңа әзерлек — Рөстәм Нуриевның журналистлар белән очрашу темасы әнә шундый иде.

Әлегә республикада бәйрәм чараларын үткәрүгә рәсми рәвештә тыю юк, шуңа күрә Алабуга бәйрәмгә әкрен генә әзерләнә дип билгеләп үтте район башлыгы. Ул бүгенге көндә шәһәрлеләр кулланмаган объектларның күп булуын белдереп, Мәдәният идарәсе һәм Яшьләр эшләре һәм спорт идарәсенә тәнкыйть сүзләре җиткерде.

− Күпме миллион сумга төшкән объектлар хуҗасыз тора, анда гел нидер җимерәләр. Мәдәният идарәсе, Яшьләр эшләре һәм спорт идарәсе эшне җиренә җиткермиләр, гәрчә даими рәвештә үзләрен күрсәтергә тиешле үзешчән коллективлар күп, бию һәм җыр белән мавыгучы кешеләр дә аз түгел, − дип билгеләп үтте район башлыгы.

Аларга атна саен җомга, шимбә һәм якшәмбе көннәрендә шәһәр паркларында һәм скверларында әлеге ведомстволар көче белән чаралар үткәрергә йөкләмә бирелде. Беренчеләре инде узган атнада узды.

Үзәк чыршы «Чебурашка» паркында урнаштырылачак, хәзер аның каркасы төзелә, 5 декабрьгә инде ул әзер булырга тиеш. Концерт программасы 31 декабрьдә "Гуляй-парк«та узачак. Бу көнне Нефтьчеләр проспекты буенча хәрәкәт өлешчә ябылачак. Рөстәм Нуриев «Чебурашка» паркында массакүләм чаралар өчен урын юк дип аңлатты. Ә кешеләр бәйрәмгә күп җыелыр дип көтелә, чөнки алабугалыларга Яңа ел бүләге булып танылган Россия җырчысы Лада Дэнс чыгыш ясаячак. Бәйрәм салюты да булачак.

− Әгәр Яңа ел бәйрәменә узган елгы кебек 12-15 мең кеше җыелса, паркта калкулыклар да, куаклар да калмаячак. Без шимбә көнне паркта булдык, кешеләр чаналарда калкулыклар буйлап йөри, алар газонга зыян китерә, чөнки кар катламы әлегә 5-6 сантиметр. Мин халыкны гаепли алмыйм, бу безнең дә гаеп — тыю турында аншлаглар да, балалар шуа алырлык таулар да юк.

Сүз уңаеннан, кичә «Чебурашка» паркында калкулыклардан шууны тыя торган билгеләр барлыкка килде. Бу, беренче чиратта, газоннарны һәм аларга автоматик су сибү системаларын саклау өчен эшләнгән. Ә тиздән балалар чын таулардан шуачак. Әйтик, "Гуляй-парк"та ике кар тавы барлыкка киләчәк. Шушы көннәрдә "Гуляй-парк"та тюбингларда шуу өчен агач тау эшли башлаячак, шуып төшә торган юл куркынычсыз булсын өчен бортларны төзекләндерү эшләре бара.

Очрашуда бәйрәм бизәлеше турында да фикер алыштылар. Шулай итеп, шәһәргә кергәндә боҗра чишелешләре бәйрәмчә бизәләчәк. Яңа ел иллюминациясе торак йортларда һәм сәүдә объектларында барлыкка киләчәк. Ленин мәйданында ярминкә йортлары урнаштырылачак, биредә реконструкциягә кадәр үк мәйданда торган карета кайтарылачак. Язга биредә ротонданы (гөмбәзле һәм колонналы кечкенә бина) да кайтару планлаштырыла.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: