Алабуга нуры

Яшь алабугалылар “Балалар илне сурәтли” республика конкурсында катнашты

Тугызынчы мәктәпнең унбиш укучысы “Балалар илне сурәтли” республика телевизион конкурсында катнашты. Алар барысы да – башлангыч сыйныф укучылары.

Бу бәйге инде ундүртенче ел рәттән “Татарстан” Дәүләт телерадиокомпаниясе, “Бердәм Россия” партиясенең республика бүлеге һәм Татарстан Мәгариф министрлыгы инициативасы белән үткәрелә. Бу хакта “Татарстан” ДТРК директоры урынбасары һәм телеканалның мәгълүмати тапшырулар хезмәте башлыгы, телеканалның хәбәрчесе һәм алып баручысы Дмитрий Второв сөйләде, ул Алабугага төшерү төркеме составында килгән иде.

Республикадагы хезмәттәшләребез сүзләренә караганда, телевизион конкурсның рәсемнәре тематикасы ел саен төрле. Мәсәлән, элегрәк ул Гаилә елына, Укытучы елына һәм башкаларга багышланган. Быел исә ул берьюлы өч темага – Бөек Җиңүнең 75 еллыгына, ТАССРның 100 еллыгына һәм юлларда куркынычсызлыкка багышланган (бу – даими тематика), дип билгеләп үтте Дмитрий Второв.

– Март ахырында безнең төшерү төркемнәре районнарга чыга – бу конкурсның беренче этабы. Сюжетлар ярдәмендә бөтен республика кече шәһәр һәм районнарда конкурсның ничек узганын күрә. Алга таба муниципалитетлар дәрәҗәсендә нәтиҗәләр ясала – бу икенче этап. Иң яхшы эшләр Казанга юнәлтелә. Анда инде өченче этап уза – май бәйрәмнәреннән соң экспертлар советы җыела, аның составына “Бердәм Россия” партиясе, Мәгариф министрлыгы, ЮХИДИ һәм “Татарстан” ДТРК вәкилләре, рәссамнар һәм сәнгать белгечләре керә. Комиссия иң яхшы эшләрне сайлый. Конкурста җиңүчеләрнең исемнәре, гадәттәгечә, Россия көнендә, 12 июньдә республика башкаласында игълан ителәчәк.

Телевизион конкурс башка мондый конкурслардан принципиаль рәвештә аерылып тора, дип сөйләде Дмитрий Второв, проектның координаторы. Катнашучылар тарафыннан кызыксыну елдан-ел арта, дип билгеләп үтте ул. Беренче елларда аларның саны 2-3 мең булса, бүген бу сан ун меңгә кадәр арткан.

Балалар рәсемнәре аша безнең белгечләр – педагоглар һәм психологлар үсеп килүче буынның кәефен билгели. Алар бу рәсемнәрне махсус методлар белән ачыклый, хәтта рәсемдә нинди төс өстенлек итүе дә исәпкә алына. Һәм, сүз уңаеннан, мәктәп укучыларының кабул итүе елдан-ел үзгәрә, диләр. Әйтик, Венера Шадубаева Җиңү көненә сөенүче үсмер малайны ясаган, ә Аня Савенкова Татарстанның горурлыгы – Кол Шәриф мәчетен сурәтләгән.

Рәсем конкурсын оештыручылар сүзләренә караганда, Алабуга районы аларда алдынгылар” рәтендә, чөнки проектта актив катнашып кына калмый, ә инде күп мәртәбәләр призлы урыннар ала һәм җиңүче дә була.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: