Алабуга нуры

Алабуга урамнарында чәчәкләр утыртыла башлады

Барлыгы 57 меңләп чәчәк утыртырга ниятлиләр.

Шәһәрне 57 мең чәчәк бизәячәк. Үткән ялларда чәчәк утырту башланды. 
Бу җәйдә Алабуга урамнарын кохия, колеус, тагетис, цинерария һәм башка чәчәкләр матурлап торачак. Барлыгы 57 меңләп чәчәк утыртырга ниятлиләр.

Эшне АМР Советы бинасы алдыннан, Нефтьчеләр проспектыннан башладылар, шулай ук шәһәргә керү юлында , Фонарьлар паркында, Марина Цветаеваның мемориаль комплексында, Шишкин һәйкәле тирәсендә, Ленин мәйданында, «Три медведя» паркында кашпода һәм ачык туфракта чәчәк гөлдәмәләре булачак. 

«Гуляй» паркында чәчәкле вазоннар урнаштырылачак, үзәк урамнарда һәм проспектларда үзенчәлекле топиарлар булачак. Шәһәр буенча ныгытмаларда, аркаларда, коймаларда 800гнә якын чәчәкле вазон куелачак. 

Алабугада агачлар утырту да дәвам итә. Миләш, юкә, тупыллар сатып алынган. Яшь агач үсентеләре Тынычлык һәм Нефтьчеләр проспектларында, Спас соборы каршындагы скверда, Чапаев урамында (ЮХИДИ кыры буйлап «Колосовка» микрорайонына таба) утыртылды инде.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: